धुनिवेशी आर्दश क्याम्पसको स्ववियु सभापतिमा रोशन नेपाल

धादिङ,२४ चैत ।
धादिङको धुनिवेशी आर्दश क्याम्पसको स्ववियु सभापतिमा अनेरास्ववियूका रोशन नेपाल विजयी भएका छन् ।

धुनिवेशी नगरपालिका–३ मा रहेको उक्त क्याम्पसमा आज भएको निर्वाचनबाट स्ववियु सभापति नेपालसहित प्यानल नै विजयी भएका छन् ।

नेकपा एकिकृत समाजवादी निकट अनेरास्ववियू र नेपाली कांग्रेस निकट नेविसङ्घको संयुक्त प्यानलबाट उम्मेदवार रहेका नेपालले ८७ मत ल्याई विजयी हुँदा उनका निकटतम प्रतिद्वन्दी एमाले निकट अनेरास्ववियु र माओवादी केन्द्र निकट अखिल (क्रान्तिकारी)को संयुक्त प्यानलकी सिर्जना केसीले ६२ मत ल्याईन ।

यस्तै सचिवमा नेवि संघकी रञ्जिता बस्नेत(८२ मत), कोषध्यक्षमा नेवि संघकी रश्मि राई(८५ मत), सदस्यहरुमा नेवि संघकै रेजिना मिश्र, दिपेश तामाङ र अनेरास्ववियूकी सुनिता विशुंखे विजयी भएका छन् ।

योसँगै धादिङमा रहेका ९ वटा क्याम्पसहरु मध्ये ८ वटामा भएको स्वतन्त्र विद्याथी युनियन (स्ववियु)को निर्वाचन अन्तरगत ५ वटा क्याम्पसमा अखिल(क्रान्तिकारी), नेविसंघ, अनेरास्ववियु र अनेरास्ववियू १÷१ वटा क्याम्पसमा विजयी भएको छ ।