धादिङका यी स्थानमा भोलि(शनिबार)विद्युत सेवा अवरुद्ध हुने

धादिङ,०१ असार।
धादिङका बिभिन्न स्थानमा भोलि शनिबार विद्युत अवरुद्ध हुने भएको छ ।

नेपाल विद्युत प्राधिकरण धादिङ वितरण केन्द्रले सूचना जारी गर्दै भोलि शनिबार धादिङ वितरण केन्द्र अन्तरगत धादिङबेशी सवस्टेशनको पुरानो सर्किट ब्रेकर परिवर्तन गरी नयाँ जडान तथा अन्य मर्मत संभार गर्नुपर्ने भएकोले बिहान ६ बजेदेखी दिउँसो ४ बजेसम्म विद्युत सेवा अवरुद्ध हुने जनाएको छ ।

धादिङबेशी सवस्टेशनबाट सप्लाई भएको धादिङबेशी बजार फिडर, सांकोष,मुरलीभञ्या फिडर र सुनौलाबजार फिडर अन्तरगतका सम्पुर्ण क्षेत्रहरुमा विद्युत आपूर्ति बन्द हुने सूचनामा भनिएको छ ।

त्यस्तै नौबिसे ३३ केभी प्रशारण लाईन नजिक रहेका रुखका हाँगा काट्ने काम रहेकाले मौसमको अनुकुलतामा शनिबार बिहान ९ बजेदेखी साँझ ५ बजेसम्म थाक्रे गाउँपालिकाको सम्पुर्ण एरिया,धुनीबेशी नगरपालिकाको वडा नं ३, ४, ५, ६, ७, ८ र ९ अनतरगत टायलघर ,खानिखोला, नौबिसे, धार्के, पण्डितपौवा ,जिवनपुर ,महादेववेशी ,सिम्ले ,जुगेँखोला लगाएत आसपासका स्थानमा पनि विद्युत आपूर्ति बन्द हुने प्राधिकरणले जनाएको छ ।