शङ्कास्पद वस्तु फेला परेपछी आबुखैरेनी–गोरखा सडक बन्द

गोरखा नगरपालिकाको खोलखोले कट्टेलचोक नजिकै सडकमा शङ्कास्पद वस्तु फेला परेको छ ।

आज बिहान झन्डै ५ बजे सडकमा शङ्कास्पद वस्तु देखिएपछि आबुखैरेनी–गोरखा सडक खण्डमा आवतजावत बन्द गरिएको एसपी अनुपम श्रेष्ठले बताउनुभयो ।

सडकको बीचमा नयाँ प्रेसरकुकरमा तार जोडेर छाडेको अवस्थामा फेला परेको उहाँले बताउनुभयो । उहाँका अनुसार प्रेसरकुकर नजिकै रातो झण्डा पनि भेटिएको छ ।

नेपानी सेनाको बम डिस्पोजल टोलीले शङ्कास्पद वस्तु निष्क्रिय पारेपछि सडक सञ्चालनमा आउने उहाँले बताउनु भयो ।