१७ किलोमा पहिरोबाट झरेको ढुङ्गाले लागेर बस चालकको मृत्यु

मुग्लिन–नारायणगढ सडकखण्डको १७ किलोमा पहिरोबाट झरेको ढुङ्गाले लागेर बस चालकको मृत्यु भएको छ ।

बिहान तीन बजे पहिरोबाट आएको ढुङ्गाले लागेर बसका चालकको निधन भएको जिल्ला प्रहरी कार्यालय चितवनका प्रवक्ता डीएसपी भेषराज रिजालले जानकारी दिनुभयो ।

बुटवलबाट काठमाण्डौको लागि छुटेको लु २ ख ६५६६ नम्बरको बसमा ढुङ्गा लाग्दा गम्भीर घाइते भएका चालक नवलपरासीका मेघनाथ विकको उपचारका क्रममा चितवन मेडिकल कलेजको शिक्षण अस्पतालमा मृत्यु भएको रिजालले जानकारी दिनुभयो ।