नौविसे-मुग्लिन सडकखण्डको ठाउँठाउँमा पहिराे,राजमार्ग अवरुद्ध

धादिङ । लगातारकाे वर्षाका कारण पृथ्वी राजमार्ग अन्तरगत नौविसे-मुग्लिन सडकखण्डको ठाउँठाउँमा पहिराे खसेर अवरुद्ध भएकाे छ ।

बेनिघाट राेराङ गाउँपालिकास्थित सलाङघाटमा सडक माथिबाट पहिराे झरेर राजमार्ग अवरुद्घ भएकाे प्रहरीले जानकारी दिएको छ।

जाेगिमारा क्षेत्रमा सडक माथि खनिएकाे सडककाे लेदाे पहिराे खसेर राजमार्ग अवरुद्ध भएकाे छ ।पानी परिरहेकोले पहिराे पन्छाउन केही समय लाग्ने प्रहरीले जनाएको छ ।

गल्छी, बैरेनी, खयरघारी, घाटबेसी, राजमार्ग एकतर्फी मात्र खुलेकाे छ ।प्रहरीका अनुसार सडक डिभिजन कार्यालय र राजमार्ग निर्माण कम्पनिकाे डाेजरकाे सहायताले पहिराे पन्छाउने कार्य भईरहेकाे छ ।

गल्छी बैरेनी क्षेत्रमा सडकमा जमेकाे लेदाे हिलाेका कारण साना सवारी लेदाे पन्छाए पछि मात्र संचालन हुने अवस्थामा छ । वर्षाका कारण एकदर्जन भन्दा बढि स्थानमा सडक एकतर्फी भएकाे छ ।