जिल्लास्तरीय कथा वाचनमा एडभान्स एकेडेमी प्रथम

धादिङ । धादिङबेशीमा भएको जिल्लास्तरीय कथा वाचन प्रतियोगितामा एडभान्स एकेडेमी प्रथम भएको छ ।

पाब्सन धादिङले धादिङबेशीमा रहेको रोसमेरी चाइल्डकेयर इङ्ग्लिश बोर्डिङ स्कुलमा आयोजना गरेको जिल्लास्तरीय कथा वाचन प्रतियोगितामा बालक समूहमा एडभान्स एकेडेमी पहिलो र बालिका समूहमा दोस्रो स्थान हात पार्दै समग्रमा च्याम्पियन बनेको हो।

प्रतियोगितामा बालक समूहमा चिल्ड्रेन पार्क सेकेन्डरी बोर्डिङ स्कुल दोस्रो, आदर्शिला पाठशाला तेस्रो र रोसमेरी चाइल्डकेयर सान्त्वना स्थानमा रह्यो भने बालिका समूहमा रोसमेरी चाइल्डकेयर प्रथम, सल्यान्टार बालबालिका विद्यालय तेस्रो र आधारशिला पाठशाला सान्त्वना भएको पाब्सन धादिङका सचिव भिमबहादुर श्रेष्ठले जानकारी दिनुभयो ।

विजेताहरूलाई प्रमाणपत्र, पदक र ट्रफीले सम्मान गरिएको थियो ।

कार्यक्रमका प्रमुख अतिथि पाब्सनका केन्द्रीय सदस्य रमेश कुमार श्रेष्ठले यस्ता प्रतियोगिताले विद्यार्थीलाई केवल कथामा मात्र नभई जीवनमा पनि सशक्त बनाउने बताउनुभयो ।