नेपाल महिला साफ यू-१५ च्याम्पियन

नेपाली टोलीले महिला साफ यू १५ च्याम्पियनसिपको उपाधि जितेको छ ।

ढाकामा शुक्रबार भएको डबल राउण्ड रोबिन लिगको अन्तिम खेलमा बंगलादेशसँग १-१ गोलको बराबरी खेल्दै नेपाल च्याम्पियन बनेको हो ।

खेलमा सुरुआती अग्रता नेपालले बनाएको थियो ।  खेलको १४ औं मिनेटमा सुशिला केसीले गोल गर्दै नेपाललाई अग्रता दिलाएकी थिइन् । तर, खेलको ५४ औं मिनेटमा रुमाले गोल गर्दै बंगलादेशलाई १-१ गोलको बराबरीमा ल्याईन् ।

बराबरीसँगै नेपालले ४ खेलमा अपराजित रहदै १० अंक जोड्यो  । र, शीर्ष स्थानमा रहदै नेपालले उपाधि उचाल्न सफल  भयो ।

महिला फुटबलमा नेपालको यो पहिलो उपाधि हो । उमेर समूह होस् वा सिनियर साफ च्याम्पियनसिप र दक्षिण एसियाली खेलकुदमा नेपाली महिला टोलीले यसअघि उपाधि जित्न सकेको छैन ।