एनपीएलका लागि टिकट मूल्य निर्धारण,सामान्यतर्फ र भीआईपीतर्फ कति ?

अडियोमा सुन्नुहोस

काठमाण्डौ- नेपाल प्रिमियर लिग (एनपीएल)का लागि टिकट मूल्य निर्धारण भएको छ ।

नेपाल क्रिकेट सङ्घ (क्यान) ले सोमबार विज्ञप्ति जारी गर्दै टिकट मूल्य सार्वजनिक गरेको हो ।

शनिवारदेखि सुरु हुने पहिलो संस्करणको एनपीएलको उद्घाटन खेलका लागि सामान्यतर्फ तीन सय र भीआईपीतर्फ सात सय रुपैयाँ टिकट मूल्य राखिएको क्यानले जनाएको छ ।

त्यस्तै लिग चरणका अन्य खेलका लागि सामान्यतर्फ तीन सय र भीआईपीतर्फ पाँच सय रुपैयाँ मूल्य तय गरिएको छ । एनपीएलको प्लेअफका खेल हेर्ने दर्शकहरूले सामान्यतर्फ पाँच सय र भीआईपीतर्फ सात सय रुपैयाँको टिकट काट्नुपर्नेछ ।

त्यस्तै, फाइनल खेलका लागि भने सामान्यतर्फ पाँच सय र भीआईपीतर्फ एक हजार रुपैयाँ मूल्य तोकिएको क्यानले जनाएको छ। टिकट खल्ती वालेटबाट काट्न सकिने क्यानले जनाएको छ ।

सिजनल पासको हकमा २० प्रतिशत छुटसहित सामान्यतर्फ चार हजार चार सय ८० र भीआईपीतर्फ आठ हजार दुई सय ४० रुपैयाँ मूल्य निर्धारण गरिएको क्यानको विज्ञप्तीमा उल्लेख छ।

हेर्नुहोस् बिज्ञप्ती