बञ्चरेडाँडामा अव्यवस्थित रुपमा फोहोर फ्याल्न रोक्न सांसद पाण्डेको माग

धादिङ,२३ चैत।
सांसद राजेन्द्र पाण्डेले बञ्चरेडाँडामा अव्यवस्थित रुपमा फोहोर फाल्न रोक लगाउन माग गर्नुभएको छ ।

बिहीबार बसेको प्रतिनिधिसभा बैठकको विशेष समयमा बोल्दै सांसद पाण्डेले बञ्चरेडाँडामा अव्यवस्थित रुपमा फोहोर फाल्न थालिएकाले यसलाई रोक्न माग गर्नुभएको हो ।

उहाँले बन्चरेडाँडामा फोहोरको व्यवस्थापनबारे अनुगमन गर्न संसदीय टोलीलाई बन्चरेडाँडा पठाउनुपर्ने बताउनुभयो ।

सिसडोलमा फ्यालिएजस्तै बन्चरेडाँडामा पनि फोहोर फ्याल्न थालिएकाले स्थानीयलाई बस्नसमेत नसकिने अवस्था सृजना भएको उहाँको भनाइ छ। उहाँले व्यवस्थित रुपमा फोहोर फाल्न ल्याण्डफिल साइट बनाएको स्मरण गराउउनुभयो ।

पाण्डे धादिङ क्षेत्र नं १ बाट निर्वाचित नेकपा एकिकृत समाजबादीका सांसद हुनुहुन्छ ।