चुनाव जिति सकेकोले घोषणा गर्नमात्र बाँकी छ:भूमि त्रिपाठी

अडियोमा सुन्नुहोस

कलंकी,२० कात्तिक ।
नेकपा एमालेले संघर प्रदेशको निर्वाचन विजय हासिल गरिसकेकोले अब घोषणा गर्न मात्र बाँकी रहेको धादिङ क्षेत्र नम्वर १ का नेकपा एमालेका प्रतिनिधि सभा सदस्यका उम्मेदवार भूमि त्रिपाठीले बताउनुभएको छ।

धादिङ काठमाण्डौ सम्पर्क मञ्चद्वारा कलंकीमा कार्यकर्ता तथा मतदाताहरुलाई सम्बोधन गर्दै एमाले जिल्ला अध्यक्ष तथा एमाले उम्मेदवार त्रिपाठीले जनताले एमालेलाई छानेकोले एमालेको जित निश्चित भएको बताउनुभयो ।

टोलटोल र वस्ती वस्तीमा एमाले पुगिसकेको छ । विकासका काम नागरिकको माग बमोजिम गर्दै आएको छ । जनताले एमालेले मात्र राष्ट्र, राष्ट्रियता र विकासका पक्षमा भएकोले एमालेले जित निश्चित भएको बताउनुभयो ।