बसले स्कुटरलाई ठक्कर दिँदा धादिङ ज्वालामुखीकी ईटनीको मृत्यु

धादिङ,१२ असार ।
काठमाडौंको चन्द्रागिरी नगरपालिका–११ संतुगलमा बसले स्कुटरलाई ठक्कर दिँदा स्कुटरमा सवार एक महिलाको मृत्यु भएको छ।

सोमबार दिउँसो ग.१ ख ८५७४ नम्बरको बसले बा.प्र.०२–०३४ प १२४२ नम्बरको स्कुटरलाई ठक्कर दिँदा स्कुटरमा सवार धादिङको ज्वालामुखी गाउँपालिका–७ घर भएकी ४८ वर्षीया मेनुका ईटनीको मृत्यु भएको प्रहरीले जानकारी दिएको छ।

दुर्घटनामा गम्भीर घाइते भएकी उनको ट्रमा सेन्टरमा उपचारको क्रममा मृत्यु भएको हो। साथै दुर्घटनामा घाइते भएका स्कुटर चालकको सोही अस्पतालमा उपचार भइरहेको छ ।

बस चालकलाई प्रहरीले नियन्त्रणमा लिएको छ ।