युएईमा बाढीमा परी एक नेपालीको मृत्यु

युएईमा आएको बाढीमा परी एक नेपाली श्रमिकको मृत्यु भएको छ । मृत्यु हुनेमा भरतपुरका मोहन पुन रहेको आबुधाबीस्थित नेपाली दूतावासले जनाएको छ।

युएईको शारजाहबाट अजमान जाने बाटो रहेको पुल नजिक उनी बाढीमा परेको दूतावासले जनाएको छ । पुनले एक रेस्टुरेन्टमा काम गर्ने गरेको दूतावासले जनाएको छ ।

युएईमा दुई दिनदेखि भएको भिषण वर्षाका कारण बाढीले जनजीवन अस्तव्यस्त बनाएको छ । बाढीका कारण युएईका सरकारी कार्यलय बन्द रहेको दूतावासले जानकारी दिएको छ ।

युएईमा अहिले भइरहेको बर्षा ७५ बर्ष यताकै ठुलो भएको बताइएको छ ।