मैदीमा निशुल्क दन्त शिविर सुरु

धादिङ,२९ फागुन ।
ज्वालामुखी गाउँपालिका वडा नम्बर–२ स्थित मैदीमा आजदेखि निशुल्क दन्त शिविर सुरु भएको छ ।

ज्वालामूखी गाउँपालिकाको आयोजनामा, हिमालयन हर्ट ट्रेकस एण्ड एक्सपिडिसन तथा भैरवी दन्तोकेयर धादिङवेशीको सहयोगमा मुख स्वास्थ्य प्रवद्धन गर्ने उद्धेश्यले मैदीको संस्कृत तथा साधारण माध्यमिक विद्यालयमा आजदेखि ७ दिने निशुल्क दन्त शिविर सुरु भएको हो।

शिविरको पहिलो दिन आज ७४ जनाले सेवा लिएको गाउँपालिकाका स्वास्थ्य शाखा प्रमुख सुजन श्रेष्ठले जानकारी दिनुभयो ।

शिविरमा किराले खाएको दाँत उखेल्ने, दाँत सफा गर्ने, साथै दाँतको समस्याको पूर्ण उपचार सहितको निःशुल्क सेवा प्रवाह गरिएकोे श्रेष्ठले बताउनुभयो ।आजदेखि सुरु भएको दन्त शिविर चैत्र ५ गतेसम्म संचालन हुने छ ।