महिलालाई उद्घोषण तथा भाषण कला सिकाउदै ज्वालामुखी गाउँपालिका

धादिङ,२६ जेठ ।
ज्वालामुखी गाउँपालिकामा उद्घोषण तथा प्रभावकारी भाषण कला तालिम आजदेखी सुरु भएको छ ।

गाउँपालिकाको आयोजनामा महिला क्षमता विकास कार्यक्रम अन्तर्गत महिलाहरुको लागि दोस्रो चरणको गाउँपालिका स्तरीय ३ दिवसीय उद्घोषण तथा प्रभावकारी भाषण कला तालिम आजदेखि सुरु भएको हो ।

तालिमको उद्घाटन गर्दै गाउँपालिका अध्यक्ष यमनाथ दनैले महिलाहरुलाई बोल्ने कलाको विकास गर्न, आफुमा भएको ज्ञान, सिप र क्षमतालाई मासमा प्रस्तुत गर्न, आफ्नो कुराहरु औपचारिक कार्यक्रममा राख्न सजिलो बनाउन तथा व्यक्तित्व र नेतृत्व विकासका लागि तालिमको आयोजना गरिएकोे बताउनुभयो।

उहाँले तालिमबाट सिकेका ज्ञान, सिपलाई व्यवहारमा उतार्नुपर्ने बताउनुभयो ।

अर्जुन अधिकारी र लक्ष्मी गीरीले सहजिकरण गर्नुभएको तालिममा गाउँपालिका भित्रका ४३ जना महिलाहरु सहभागी छन्। तालिम २८ गतेसम्म सञ्चालन हुनेछ ।