स्वास्थ्यकर्मीलाइ बृहत पोषण बिशेष कार्यक्रम सम्बन्धी क्षमता अभिबुद्धी तालिम

धादिङ,२६ माघ ।
धादिङमा स्वास्थ्य कार्यकर्ताहरुको लागि बृहत पोषण बिशेष कार्यक्रम सम्बन्धी क्षमता अभिबुद्धी तालिम सञ्चालन गरिएको छ ।

सिद्धलेक, नेत्रावती डबजोङ र ज्वालामुखी गाउपालिकाको संयुक्त आयोजनामा माघ २० गतेदेखी सुरु भएको ७ दिने क्षमता अभिबुद्धी तालिम बिहिबार सम्पन्न भएको हो । पोषण सम्बन्धी व्यवहार सुधारको लागि परामर्श र छलफल विधिद्धारा ज्ञान, सिप प्रोत्साहन गर्ने उद्धेश्यले आयोजना गरिएको तालिममा सिद्धलेक, नेत्रावती डबजोङ र ज्वालामुखीका ३० जना स्वास्थ्यकर्मीको सहभागिता रहेको थियो।

तालिममा कृपोषण व्यवस्थापनको लागि प्राविधिक ज्ञान,सिप तथा परामर्श र क्षमता विकास सम्बन्धि विविध विषयमा ज्वालामुखी गाउँपालिकाका स्वास्थ्य संयोजक सुजन श्रेष्ठ,सिद्धलेक गाउँपालिकाकी नर्सिङ अधिकृत नविना पौडेल, स्वास्थ्यकर्मी रामचन्द्र पन्थी र सुनिता लामा थोकरले सहजिकरण गर्नुभएको थियो ।

कार्यक्रम समापन गर्दै प्रमुख अतिथि नेत्रावती डबजोङ गाउपालिकाका अध्यक्ष मेघनाथ रिजालले पोषण सम्बन्धी तालिममा सिकेको कुरा नागरिकहरुमाझ पु¥याउन स्वास्थ्यकर्मीलाई आग्रह गर्नुभयो ।

ज्वालामुखी गाउँपालिकाका उपाध्यक्ष धर्मबहादुर अर्यालको अध्यक्षतामा भएको तालिम समापन समारोहमा नेत्रावती डवजोङ गाउँपालिकाका अध्यक्ष मेघनाथ रिजालको प्रमुख आथित्य तथा सिद्धलेक गाउँपालिकाकी उपाध्यक्ष सविता अर्यालको बिशेष आतिथ्य रहेको थियो ।