धादिङबेसी शाखाबाट हिरोका दुई नयाँ मोटरसाइकलको विक्री सुरु

काठमाडौं । जिल्ला सदरमुकाम धादिङबेसीमा रहेको हिरोको शाखा कार्यालयले हिरोका दुई नयाँ मोटरसाइकलको विक्री सुरु गरेको छ।

हिरो कम्पनीले नेपालमा हालसालै मात्रै सार्वजनिक गरेको एक्स्ट्रिम १६० आर फोरभी र एक्स्ट्रिम १२५ आर मोटरसाइकल धादिङबेसीबाट पनि विक्री सुरु गरिएको हो।

बुधबार एक कार्यक्रमका बिच शाखाले दुई मोटरसाइकल औपचारिक रुपमा सार्वजनिक गरेको हो ।

धादिङ शाखा इन्द्र सरोवर अटो मोवाईल प्रा.लि.का प्रोपाइटर अञ्जन श्रेष्ठले सार्वजनिक गरिएको एक्स्ट्रिम १६० आर फोरभी र एक्स्ट्रिम १२५ आरले नेपालमा हिरो मोटोकर्पको नयाँ ब्रान्ड पहिचानलाई थप सशक्त बनाउने विश्वास रहेको बताउनुभयो ।

कार्यक्रमका प्रमुख अतिथि नीलकण्ठ नगरपालिका–१२ का वडा अध्यक्ष धर्मराज भण्डारी (राजकुमार) ले हिरो ब्राण्डका मोटरसाइकलमा युवा पुस्ताको आकर्षण रहेको बताउनुभयो।

हिरो ब्राण्डले छोटो समयमा निकै फड्को मारेको भन्दै उहाँले युवा पुस्ता झुम्मिएका र सबै खालका ग्राहकको चित्त बुझाउन सक्यो भने हिरो शहरमा मात्र होइन गाउँगाउँमा पुगेर सबैको रोजाई बन्न सक्ने बताउनुभयो ।

सार्वजनिक भएको एक्स्ट्रिम १६० आर फोरभी प्रो को मूल्य ३ लाख ८४ हजार ९ हजार र एक्स्ट्रिम १२५ आरको मूल्य सीबीएस भेरियन्टका लागि २ लाख ८९ हजार ९ सय र एबीएस भेरियन्टका लागि ३ लाख ११ हजार ९ सय रहेको धादिङ शाखाका प्रोपाइटर श्रेष्ठले बताउनुभयो ।

उहाँले धादिङमा एक जना ग्राहक भइसक्नु भएको र राम्रो प्रतिक्रिया पनि पाएको बताउनुभयो ।

नेपालमा हिरो मोटो कर्प सन् २०१४ मा प्रवेश भएको हो ।

कम्पनीले सुपर स्प्लेन्डर र एक्सपल्स २०० जस्ता चर्चित ब्रान्डद्वारा नेपालको बजारमा बलियो पकड जमाउदै आएको छ।चौधरी ग्रुप नेपालको एक प्रतिष्ठित व्यवसायिक समुह, हीरो मोटोकपको नेपालका लागि आधिकारिक वितरक हो।