२४ घण्टामा थप ६३ जनामा कोभिड सङ्क्रमण पुष्टि

अडियोमा सुन्नुहोस

धादिङ,१४ असोज ।
देशभर पछिल्लो २४ घण्टामा थप ६३ जनामा कोभिड सङ्क्रमण पुष्टि भएको छ । पछिल्लो २४ घण्टामा २ हजार ५३५ को नमूना परीक्षण गरिएको थियो ।

९४१ ले पिसिआर र १ हजार ५९४ को एन्टिजेन विधिबाट परीक्षण गरिएको स्वास्थ्य तथा जनसङ्ख्या मन्त्रालयले जनाएको छ। यही अवधिमा १०३ जना कोरोना सङ्क्रमणमुक्त भएका छन् ।यससँगै सङ्क्रमणमुक्त हुनेको सङ्ख्या नौ लाख ८६ हजार ७२० पुगेको छ ।

सङ्क्रमणमुक्त हुने दर ९८ दशमलव ७ प्रतिशत रहेको मन्त्रालयले जनाएको छ । हाल सक्रिय सङ्क्रमितको सङ्ख्या १ हजार ४ रहेको छ । अहिलेसम्म कोरोनाबाट मृत्यु हुनेको सङ्ख्या १२ हजार १७ पुगेको छ।