बागमती प्रदेश स्तरीय महिला भलिबल प्रतियोगिता सुरु (पहिलो दिनको खेल अपडेटसहित)

धादिङ । धादिङबेशीमा आजदेखी बागमती प्रदेश स्तरीय महिला भलिबल प्रतियोगिता सुरु भएको छ ।

धादिङ जिल्ला भलिबल संघको आयोजनामा सदरमुकाम धादिङबेशी स्थित कभर्डहल परिसरमा ‘स्व.मनोज श्रेष्ठ स्मृति कप २०८२’ प्रतियोगिता अन्तरगत प्रदेश स्तरीय महिला भलिबल प्रतियोगिता सुरु भएको हो ।

प्रतियोगिताको गजुरी गाउँपालिका अध्यक्ष गणेशलाल श्रेष्ठले उद्घाटन गर्नुभएको हो ।

प्रतियोगितामा बागमती प्रदेश भित्रका ८ जिल्लाबाट ९ टिम सहभागी छन् । जस्मा धादिङ, नुवाकोट, रसुवा, चितवन, मकवानपुर, सिन्धुली, रामेछाप, सिन्धुपाल्चोक सहभागी हुनेछन् ।

धादिङबाट टिम ‘ए’ र ‘बि’ छन् भने र अरु जिल्लाबाट १/१ टिम रहेका छन् ।

सहभागी टिमहरुलाई चार समूहमा बिभाजन गरिएको छ।

जस्मा समूह ए मा धादिङ,मकवानपुर र सिन्धुली रहेको छ भने समूह बि मा नुवाकोट र रामेछाप रहेको छ । त्यस्तै समूह सि मा चितवन र सिन्धुपाल्चोक र समूह डी मा रसुवा र धादिङ बी रहेको छ ।

प्रतियोगितामा प्रथम हुनेले नगद २ लाखसहित ट्रफी, मेडल र प्रमाण–पत्र पाउनेछन् भने द्वितीय हुनेले नगद १ लाखसहित ट्रफी, मेडल र प्रमाण–पत्र र तृतीय हुनेले नगद ५० हजारसहित ट्रफी, मेडल र प्रमाण–पत्र पाउनेछन् ।

यस्तै उत्कृष्ट खेलाडीले नगद ५ हजार, उत्कृष्ट स्पाइकर, सेटर, डिफेन्डर, सर्भर र कोचलाई समान नगद २ हजार सहित ट्रफी, मेडल र प्रमाण–पत्र प्रदान गरिने भलिबल संघ धादिङका अध्यक्ष अमृत गुरुङ (तिलक) ले जानकारी दिनुभयो ।

प्रतियोगिता पौष १२ गतेसम्म संचालन हुनेछ।

हेर्नुहोस् पहिलो दिनको खेल अपडेट

– धादिङ टिम ‘ए’  vs मकवानपुर -(धादिङ टिम ‘ए’ बिजयी)
– नुवाकोट VS रामेछाप (रामेछाप बिजयी)
– चितवन VS सिन्धुपाल्चोक (सिन्धुपाल्चोक बिजयी)
– धादिङ टिम ‘ए’ vs सिन्धुली (धादिङ टिम ‘ए’ बिजयी)

हेर्नुहोस् खेल तालिका