धादिङमा क्षेत्र नं २ मा १ लाख ३३ हजार बढि मतदाता,मतदान केन्द्र कति?

अडियोमा सुन्नुहोस

धादिङ,०३ मंसिर ।
धादिङमा मतदाता दुई लाख ६५ हजार बढि रहेको छ ।

भोलि आईतबार हुने प्रतिनिधि सभा र प्रदेश सभा निर्वाचनको लागि १ लाख ३० हजार ५९४ जना महिला, १ लाख ३५ हजार ४०१ जना पुरुष र १ जना अन्य गरी कुल मतदाता संख्या दुई लाख ६५ हजार ९९६ रहेका छन् ।

मतदाता संख्याको आधारमा १ सय १४ मतदान स्थल अन्तर्गत ३०३ मतदान केन्द्र र १ अस्थायी मतदान केन्द्र रहको छ । अहिले ५ वटा मतदानस्थल थप भएको निर्वाचन कार्यालयले जनाएको छ । धादिङमा दुई प्रतिनिधि सभा र चार प्रदेश सभा रहेको छ ।

जसमा क्षेत्र नं २ को ‘क’ मा ७० हजार ७०१ मतदाता, २५ मतदान स्थल र ७८ मतदान केन्द्र रहेको छ भने ‘ख’ मा ६२ हजार ९४१ मतदाता, ३६ मतदान स्थल र ७७ मतदान केन्द्र रहेको छ ।