धादिङ क्षेत्र नं २ बाट प्रतिनिधिसभा सदस्यमा रामनाथ अधिकारी बिजयी

अडियोमा सुन्नुहोस

धादिङ,०८ मंसिर ।
धादिङ क्षेत्र नं २ को प्रतिनिधि सभामा लोकतान्त्रिक बाम गठबन्धनका साझा उम्मेदवार नेपाली काँग्रेसका रामनाथ अधिकारी बिजयी भएका छन् ।

अधिकारीले नेकपा एमालेका खेम लोहनीलाई १० हजार ५३३ मत अन्तरले हराउदै बिजयी भएका हुन् । काँग्रेसका अधिकारीेको ३४ हजार ४८३ मत आउँदा एमालेका लोहनीले २३ हजार ९५० मत प्राप्त गरेका छन् ।

रास्वपाका बशुमाया तामाङले ५ हजार ५२५ मत प्राप्त गरिन् । धादिङ–२ मा ६७ हजार ६०१ मत खसेको थियोे । खसेको मतमा ३ हजार ३७३ मत बदर भएको छ।

प्रदेश सभा (क) मा काँग्रेसका गोविन्द लम्सालले एमालेका डा.रामकुमार अधिकारीलाई हराए । काँग्रेसका लम्सालले १९ हजार ४१९ मत ल्याउँदा एमालेका अधिकारीले १६ हजार ४२२ मत पाए ।

प्रदेश सभा (ख) बाट राप्रपाका डम्बर तामाङ निर्वाचित भएका छन् । उनले माओवादी केन्द्रका जगत सिंखडालाई १३१ मत अन्तरले हराएका हुन् । तामाङको १४ हजार ४८१ मत आउँदा सिंखडाको १४ हजार ३५० मत आएको छ ।

धादिङको यस क्षेत्रमा एमाले राप्रपाको गठबन्धन र सत्ता गठबन्धनका तर्फबाट नेपाली काँग्रेस, माओवादी केन्द्र र नेकपा एसको गठबन्धन रहेको थियो ।