पाकिस्तान भर्सेस न्युजिल्यान्ड तथा इंग्ल्याण्ड भर्सेस भारत, कुन टीम बलियो ?

अडियोमा सुन्नुहोस

सुपर–१२ समूह–२ को अन्तिम खेलमा जिम्बावेलाई ७१ रनले पराजित गर्दै टिम इन्डिया टी–२० विश्वकपको सेमिफाइनलमा प्रवेश गरेको छ । भारतसँगै न्युजिल्यान्ड, इंग्ल्याण्ड र पाकिस्तानका टोली पनि अन्तिम चारमा पुगेका छन् ।

पाकिस्तानले नोभेम्बर ९ मा सिड्नी क्रिकेट मैदानमा पहिलो सेमिफाइनलमा न्युजिल्याण्डको सामना गर्नेछ। योसँगै नोभेम्बर १० मा हुने दोस्रो सेमिफाइनलमा भारतले इङ्ल्यान्डसँग एडिलेडमा खेल्नेछ।  इङ्गल्याण्डविरुद्ध भारत र पाकिस्तान र न्यूजिल्याण्ड बिचको खेलको ट्र्याक रेकर्ड हेरौँ ।

पाकिस्तान–न्युजिल्याण्ड
पाकिस्तान लगातार दोस्रो पटक र समग्रमा छैटौं पटक टी–२० विश्वकपको सेमिफाइनलमा प्रवेश गरेको छ । न्यूजिल्याण्डको टोली लगातार तेस्रो पटक र समग्रमा चौथो पटक अन्तिम चारमा पुगेको छ । यी दुई टोली टी–२० अन्तर्राष्ट्रियमा २८ पटक आमनेसामने भएका छन् । पाकिस्तानले १७ पटक जितेको छ । न्युजिल्याण्डले ११ खेल जितेको छ ।

टी–२० विश्वकपमा यी टोली अहिलेसम्म ६ पटक भिडेका छन् । पाकिस्तानले ४ र न्युजिल्यान्डले २ मा जितेको छ । सन् २००७ को विश्वकपको सेमिफाइनलमा पनि पाकिस्तानले न्युजिल्याण्डको सामना गरेको थियो । त्यसमा पाकिस्तानले जित्यो ।

इंग्ल्यान्डमाथि टीम इन्डियाको अग्रता 
टी–२० विश्वकपमा भारत र इंग्ल्याण्ड अहिलेसम्म ३ पटक भिडेका छन् । टीम इन्डिया २ खेल जितेको छ । इंग्ल्याण्डले १ खेल जितेको छ ।

दुई टोलीबीचको पहिलो भिडन्त सन् २००७ को विश्वकपमा भएको थियो । यो खेलमा युवराज सिंहले स्टुअर्ट ब्रोडको एक ओभरमा ६ छक्का प्रहार गरेका थिए । भारत १८ रनले विजयी भएको थियो।

सन् २००९ को टी–२० विश्वकपमा इंग्ल्याण्डले भारतलाई ३ रनले हराएको थियो । सन् २०१२ को टी(२० विश्वकपमा टीम इन्डियाले इंग्ल्याण्डलाई ९० रनले हराउँदै एकतर्फी जित हात पारेको थियो।

टी–२० विश्वकपको नकआउट खेलमा अहिलेसम्म भारत र इंग्ल्याण्डबीच कुनै खेल भएको छैन ।