अर्जेन्टिना क्वाटरफाइनलमा

अडियोमा सुन्नुहोस

अर्जेन्टिना कतारमा जारी फिफा विश्वकप फुटबलको क्वाटरफाइनलमा प्रवेश गरेको छ ।

हमद बिन अली रंगशालामा भएको खेलमा अर्जेन्टिनाले अष्ट्रेलियालाई २-१ गोल अन्तरले हराउँदै  क्वाटरफाइनलमा नेदरल्यान्ड्ससँग भेट पक्का गरेको हो ।

अर्जेन्टिनालाई जित दिलाउन कप्तान लियोनल मेस्सी र जुलियन अल्भारेजले एक/एक गोल गरे । खेलको ७७ औं मिनेटमा इन्जो फर्नान्डेजले आत्मघाती गोल गरेपनि अर्जेन्टिना २-१ ले विजयी भयो ।

आजै भएको राउन्ड अफ १६ चरणको पहिलो खेलमा नेदरल्यान्ड्सले अमेरिकालाई ३-१ ले पराजित गरेको थियो ।