त्रिशुली नदिमा बेपता सिद्धलेककी एक महिलाको शव फेला

धादिङ,२८ फागुन ।
त्रिशुली नदिमा फाल हानी बेपत्ता भएकी एक महिलाको शव फेला परेको छ।

आईतबार त्रिशुली नदिमा फाल हानी बेपत्ता भएकी धादिङको सिद्धलेक गाउँपालिका वडा नं.६ कुम्पुर भञ्ज्याङ की २० बर्षिय हिरामाया घलेको शव परेको जिल्ला प्रहरी कार्यालय धादिङले जनाएको छ ।

घरायसी विवाद पछि घरबाट निस्की हिडेकी घलेले हरीयो चप्पल, चुरा (फुटेको) र घडी बिहानी पेट्रोलपम्प झोलुङ्गे पुल स्थित त्रिशुलि नदिको किनारामा फुकालेर छाडेकी थिईन ।

नदि किनारमा सो वस्तु छाडेको देखेपछि प्रहरी र स्थानियले मानिस बेपत्ता हुन सक्ने आशंकामा खोजी गरेको थियो । ईलाका प्रहरी कार्यालय गजुरीबाट १० जना र सशस्त्र प्रहरी बल नेपाल कुरिनटारबाट गोताखोर सहितको ९ जना गरी १९ जनाको संयुक्त टोलीले खोजतलास गर्दा आईतबार दिउँसो ३ बजेको महिलाको शव फेला पारेको प्रहरीले जनाएको छ ।

शव परिक्षणको लागी प्राथमिक स्वास्थ्य केन्द्र गजुरीमा राखिएको छ ।