पश्चिमी वायुको प्रभाव:देशका केही स्थानमा हल्का वर्षा

पश्चिमी वायुको साथै स्थानीय वायुको प्रभावले देशका केही स्थानमा हल्का वर्षा भएको छ । अहिले कोशी प्रदेश, बागमती र गण्डकी प्रदेशमा बदली रहेको जल तथा मौसम विज्ञान विभाग मौसम पूर्वानुमान महाशाखाले जनाएको छ ।

बङ्गालको खाडीमा विकसित भइरहेको ‘मोखा’ चक्रवातको नेपालमा उल्लेखनीय प्रभाव नरहने महाशाखाले ले जनाएको छ ।

उक्त चक्रवात हाल अति शक्तिशाली चक्रवातमा परिणत भएर उत्तर–उत्तर पूर्व दिशातर्फ उन्मुख हुँदै बङ्गलादेश तथा म्यानमारको तटीय क्षेत्रमा बढिरहेको महाशाखाले जनाएको छ ।