नेपालमा १० वटा धर्म कायमः१४२ जातजाति र १२४ वटा मातृभाषा

राष्ट्रिय जनगणना, २०७८ को तथ्याँकअनुसार नेपालमा धर्मको संख्या १० वटा कायम भएको छ ।

राष्ट्रिय तथ्याँक कार्यालयका अनुसार जनगणनाको क्रममा उत्तरदाताहरूले दिएका जवाफका आधारमा र विज्ञसमूहको सिफारिस अनुसार जातजातिको संख्या १४२, मातृभाषा संख्या १२४ र धर्म संख्या १० कायम भएको छ ।

२०७८ को जनगणनामा १७ जातजाति थप भएको छ । २०६८ को जनगणना अनुसार १ सय २३ वटा मातृभाषा थिए । अहिले ’अन्य भाषा’ समेत जोडेर मातृभाषाको सङ्ख्या एक सय २४ कायम गरिएको राष्ट्रिय तथ्याँक कार्यालयले जनाएको छ ।

१२ वटा विदेशी भाषा बोल्ने एकदमै न्यून व्यक्तिहरुको संख्या र अहिले नयाँ थप भएका १३ वटा समेतलाई जोडेर ’अन्य भाषा’मा राखिएको कार्यालयले जनाएको छ ।