बाढी पहिरोले ६ सडक अवरुद्ध:४२ सडक एकतर्फी,सुरक्षित यात्रा गर्न प्रहरीको अनुरोध

बाढी पहिरोका कारण ६ वटा सडक अवरुद्ध भएको छ।देशका विभिन्न १९७ सडकमध्ये ४२  वटा सडक एकतर्फी सञ्चालनमा रहेको सडक बिभागले जनाएको छ।

बिभागका अनुसार तमोर करिडोर अन्तर्गतको चतरा–मूलघाट–माझीटार–अमरापुरडाँडा–गणेशचोक, तानसेन–रिडी–कोरलाको म्याग्दी खण्ड, डुम्रे–बेशीसहर–चामे सडकको लमजुङ खण्ड, मदन भण्डारी राजमार्ग अन्तर्गत उदयपुरको मौवासे खोलामा,  बालाजु–त्रिशूली–धुन्चे –स्याफ्रुबेसी सडक र मध्यपहाडी राजमार्ग अन्तर्गत डडेलधुरा रडुवा खण्डमा सडक अवरुद्ध रहेको छ।

मुग्लिन-नारायणगढ सडक खण्डमा भने सामान्य रुपमा गाडी चलिरहेका छन् ।पहिरोको जोखिम रहेकाले सुरक्षित भएर यात्रा गर्न प्रहरीले अनुरोध गरेको छ।