धादिङ अस्पतालमा कार्यरत डा.प्रतिभा मृत फेला

धादिङ ।जिल्ला अस्पताल धादिङमा कार्यरत सर्जन डा.प्रतिभा धौभडेल मृत फेला पर्नुभएको छ।

काठमाडौँ महानगरपालिका–१३ छाउनीस्थित घरमा सर्जन डा. धौभडेल मृत भेटिनुभएको हो। सलले पासो लगाएर झुण्डेको अवस्थामा देखेपछि उनका पतिले बीरेन्द्र सैनिक अस्पतालमा लगेका थिए ।

चिकित्सकले उनलाई मृत घोषणा गरेका थिए ।

३४ वर्षीया प्रतिभाको शव पोष्टमार्टमका लागि त्रिवि शिक्षण अस्पतालमा राखिएको छ ।

असार २५ बाट धादिङ अस्पतालमा कार्यरत डा. धौभडेल बिदामा काठमाडौँ जानुभएको थियो। घटनाबारे प्रहरी वृत कालिमाटीले अनुसन्धान गरिरहेको छ।