धादिङमा ट्रिपर दुर्घटना,दुई जना घाइते

धादिङ- नीलकण्ठ नगरपालिका-६ स्थित सुनौला बजारमा ट्रिपर दुर्घटना हुँदा दुई जना घाइते भएका छन्।

भक्तपुरबाट सुनौला बजारको भैरवी मन्दिर निर्माणका लागी स्लेट ढुङ्ग बोकेर जाँदै गरेको बा ५ ख ५७७३ नम्वरको ट्रिपर आज विहान सडकमा पल्टिएको हो।

दुर्घटनामा नीलकण्ठ नगरपालीका-६ बस्ने वर्ष ३० का खिखाबहादुर परियार र दोलखाको भिमेश्वर नगरपालिका-९ बस्ने वर्ष ४२ नविन तामाङ्ग रहेको प्रहरीले जनाएको छ।

घाईतेहरुको अवस्था सामान्य रहेको र धादिङ अस्पतालमा उपचार भईरहेको प्रहरीले जनाएको छ।