कार्तिक १ गतेसम्म नारायणघाटदेखि काठमाण्डौसम्म ठूला गाडी सञ्चालनमा रोक

काठमाण्डौ –कार्तिक १ गतेसम्म नारायणघाटदेखि काठमाण्डौसम्म ठूला गाडी सञ्चालनमा रोक लगाईएको छ ।

यातायात व्यवस्था विभागले घटस्थापनादेखि कार्तिक १ गतेसम्म चितवनको नारायणघाटदेखि काठमाण्डौसम्म ट्रेलरसहितका अन्य ठूला गाडी सञ्चालनमा रोक लगाएको हो ।

यात्रुवाहक गाडीलाई प्राथमिकता दिनेगरी ठूला गाडी सञ्चालनमा रोक लगाउने निर्णय गरिएको यातायात व्यवस्था विभागका महानिर्देशक राजीव पोखरेलले जानकारी दिनुभयो ।

यसमा औषधि र तरकारी बोकेकाबाहेक अन्य ठूला गाडी आउँदो कार्तिक १ गतेसम्म बन्द रहने उहाँको भनाइ छ ।

आयातित मालवाहक गाडीको हकमा भन्सार, प्रज्ञापनपत्र र निर्यातित मालवाहक गाडीको हकमा नियम राजस्व बुझाएको रसिद हेरेर भन्सार कार्यालय खुलेको अवस्थामा नरोक्ने निर्णय भएको छ ।