रोजिना घले एमडीआरटी बन्न सफल,इच्छा शक्तिलाई शिक्षा शक्तिले नछेकेको उहाँको भनाई

नुवाकोट । आईएमई लाइफ इनस्योरेन्स कम्पनी नुवाकोट शाखामा कार्यरत एजेन्सी म्यानेजर रोजिना घले सन् २०२५ को लागि मिलियन डलर राउण्ड टेबल (एमडीआरटी) बन्न सफल हुनुभएको छ ।

२०८० असार बाट आइएमई लाइफमा प्रवेश गर्नुभएको उहाँले डेढ बर्षको लगातारको प्रयास पछी एमडीआरटीको लक्ष्य हासिल गरी नुवाकोट बाट पहिलो महिला एमडीआरटी बनी ईतिहास रच्न सफल हुनु भएको हो ।

रोजिना घले ,नुवाकोट जिल्लाको वागेश्वरी मस्याङ भञ्ज्यङ्ग मा बाबा बुद्धीबहादुर गुरुङ र आमा मायाँदेबी गुरुङको कोखबाट २०४९ सालमा चौथो सन्तानको रुपमा सामान्य परिवारमा जन्मनु भएको हो । उहाँले छोटो समयमा गरेको प्रगतीको चर्चा हुने गरेको छ आजकाल सबैतिर ।

पढ्दा पढ्दै कलिलो उमेरमा विवाह वन्धनमा बांधीएकी रोजिना विद्यार्थी जिवनमा खेलकुद तथा अतिरिक्त कृयाकलापमा समेत निकै अब्बल थिईन वाल्यकालको विवाहको कारण सरकारी जागीर खाएर देश र जनताको सेवा गर्ने उनको सपना पुरा भएन विवाह गरेर पनि पढ्ने रहर हुंदा हुँदै परिवारीक जीम्बेवारी तथा वाल बच्चाको कारण पढाईलाई निरन्तरता दिन नसकेता पनि परिवार तथा श्रीमानको साथ सर्पोट र हौसलामा भने कुनै कमि थिएन। उहाँ भन्नुहुन्छ,हरेक ब्यक्ति सफल हुनको लागी परिवारको सदस्यको ठूलो हात हुने रैछ म त्यही महसूस गरी रहेकी छु ।

सरल र मिलनसार स्वभावकी रोजिना सानै देखी कसैसंग नझुक्ने हक्की स्वभावकी थिईन् निडर सत्य कुरा को मात्र बोल्ने कसैको कुभलो नचिताउने उनको राम्रो बानी थियो। सामाजीक क्षेत्रमा समेत सक्रिय रोजीना विभीन्न संघ संस्थामा पनि अग्रपंतिमा रहनुभएको छ।

२०७८ सालमा बिमा क्षेत्रमा उत्प्रेरीत भई नन्द सगुन गुरुङ संग मिलेर बिमा अभियान सुरु गर्नुभएकी रोजिना ले औपचारिक शिक्षा कक्षा ८ मात्र पढेकाले आफ्नो नाममा अभिकर्ता ईजाजतपत्र लिन सकेकी थिइनन् ।

नन्द संगै विभीन्न कार्यक्रमा सहभागी भई रहदा उनलाई एउटा उर्जा मिल्यो मनमा दृढ संकल्प जाग्यो अब मैले एस ई ई पास गरेर अभिकर्ता बन्नु पर्छ, जसको फलस्वरूप २०७९ सालमा रसुवा जिल्लाबाट प्राईभेट एस ई ई परिक्षा दिएर राम्रो अकं ल्याएर पास समेत गर्नुभयो । अब उहाँको सपना पूरा गर्न तुरुन्तै आई एम ई लाईफ ईन्स्योरेन्स कम्पनी माफर्त अभिकर्ता ईजाजतपत्र लिन सफल हुनुभयो ।

कुनैपनि काम मनैदेखी उत्साहीत भएर गरीयो भने सफलता मिल्न गाह्रो रहेनछ । अभिकर्ताको ईजाजत पत्र लिएको महिना उनले अभिकर्तावाट एजेन्सी मेनेजरको रूपमा आफूलाई चिनाउन सफल हुनुभयो ।

प्रत्येक महिना आफ्नो लक्षका साथ अघि बढ्दै गरेको उनलाई कम्पनीले प्रदान गर्ने अतिरिक्त सुविधा समेतले गर्दा घर परिवार चलाउन र बाल बच्चाको शिक्षा दिक्षा र आफ्नो दैनिक आवश्यकता समेत पुरा गर्न सहयोग गरेकोमा आई एम ई लाईफ नुवाकोट शाखालाई धन्यवाद व्यक्त गर्नुभएको छ ।

माउन्ट मनास्लु लिडर्स क्लवका सदस्य समेत रहनुभएकी उहाँले विभिन्न क्षेत्रीय कार्यक्रममा सहभागी तथा सम्मानीत हुने अवसर लगायत होटल सोल्टी मा भएको राष्ट्रीय स्तरको सम्मानमा समेत सम्मानित हुने अवसर प्राप्त गर्नुभएको छ । नाम, दाम र सम्मान एकैसाथ कमाउने व्यवसाय बिमा वाहेक कुनै हुन नसक्ने उहाँको ठम्याई छ । आफ्नो सफलताको कडी सुनाउँदै इच्छा शक्तिलाई शिक्षा शक्तिले छेकेन र त आज सफल अभिकर्ता बन्न सफल भएकी छु ।

जिवनका कहाली लाग्दो अवस्था दुःख र वेदनालाई सम्झदै उनी भन्छीन हरेक सफल ब्यक्तिको दुखद् पाटो संघर्षको पाटो हुँदो रैंछ मेरो दुःख र संघर्ष नै सफलताको सानो भाग हो ।

मेरो लक्ष्य अभिकर्ताहरुको अन्तराष्ट्रीय संस्थाको सदस्य एम डी आर टी बनि देश विदेश भ्रमण गर्ने लक्ष पुरा भएको छ अब अर्को २०२६ मा पनी एम डी आर टी बन्ने र धेरै भन्दा धेरै परिवारको भविश्य सुनिचत गर्दै यो समाज सेवाको नाममा निरन्तर लागी रहने उहाँको भनाई रहेको छ ।

रोजिना सफलताको पहिलो श्रेय आफ्नो आमा ,श्रीमान र सहयोगी साथी भाईलाई दिन चाहनुहुन्छ । बिमा क्षेत्रमा भएको अस्वस्थ प्रतिस्पर्धा लाई हटाई यो पेशालाई मर्यादित बनाउन सकियो र समाजमा विमा सम्वन्धि चेतना फैलाउन सकियो भने प्रत्येक व्यक्तिले स्वईच्छाले बिमा खरिद गर्ने दिन आउछ रोजीना भन्नुहुन्छ।