चितवन–२ मा हुने उपचुनावका लागि १८ दल दर्ता

आगामी वैशाख १० गते चितवन–२ मा हुने उपचुनावका लागि निर्वाचन आयोगमा १८ दल दर्ता भएका छन् । नागरिकता प्रकरणमा अदालतको आदेशपछि राष्ट्रिय  स्वतन्त्र पार्टीका  अध्यक्ष  रवि  लामिछानेको प्रतिनिधि सभा सदस्य पद खारेज भएपछि चितवन–२ मा उपचुनाव हुन लागेको हो । दर्ता भएका दलले  मात्रै उपचुनावमा  भाग लिन पाउनेछन् आयोगका प्रवक्ता शालिग्राम शर्मा पौडेलले बताउनुभयो ।

उपचुनावमा नेपाल मजदुर किसान पार्टी, मङ्गोल नेसनल  अर्गनाइजेसन, राष्ट्रिय  नागरिक  पार्टी, नेपाली कांग्रेस, राष्ट्रिय जनमुक्ति पार्टी, राष्ट्रिय जनमोर्चा, नेकपा (एमाले)ले  भाग लिने गरी दल दर्ता गराएका छन् ।

त्यसैगरी राष्ट्रिय स्वतन्त्र पार्टी, नेकपा (माओवादी समाजवादी), नेकपा (माओवादी केन्द्र), नागरिक उन्मुक्ति पार्टी, हाम्रो नेपाली पार्टी,  पुनर्जागरण  पार्टी,  मौलिक  जरो किलो पार्टी दर्ता भएका छन् । त्यस्तै  राष्ट्रिय  मुक्ति आन्दोलन नेपाल, नेपाली कांग्रेस (बीपी), राष्ट्रिय प्रजातन्त्र पार्टी र जय जन्मभूमि पार्टी नेपालले पनि दल दर्ता गराएका छन् ।निर्वाचन आयोगले दल दर्ताका लागि फागुन १० गतेदेखि १६ गते सम्मको समयसीमा  निर्धारण  गरेको  थियो  ।