बागमती प्रदेश सरकारले क्रिकेट खेलाडीलाई जनही एक लाख दिने

बागमती प्रदेश सरकारले क्रिकेट खेलाडीलाई जनही एक लाख दिने भएको छ ।

आइसिसी विश्वकप लिग–२ अन्तर्गत उत्कृष्ट प्रदर्शन गरेका नेपाली खेलाडीहरुलाई प्रदेश सरकारले जनही रु एक/एक लाख पुरस्कार दिने घोषणा भएको हो ।

प्रदेश सरकारका प्रवक्ता एवं आर्थिक मामिला तथा योजनामन्त्री जगन्नाथ थपलियाका अनुसार क्रिकेटका माध्यमबाट इतिहास बनाउन सफल भएकामा प्रोत्साहनस्वरुप सो रकम पुरस्कार दिने निर्णय गरिएको हो ।

युएईमाथि प्राप्त जितले नेपाल तालिकाको तेस्रो स्थानमा रहेर विश्वकप छनोटमा पुगेको होे ।