स्थायी भएका शिक्षकको वैयक्तिक तथा नोकरी विवरण पठाउन निर्देशन

राष्ट्रिय किताबखाना (शिक्षक) ले  शिक्षक सेवा आयोगबाट सिफारिस भई स्थायी भएका शिक्षकको वैयक्तिक तथा नोकरी विवरण एकमुष्ट पठाउन निर्देशन दिएको छ ।

कार्य चापका कारण प्रमाणित गरेर पठाउन कठिनाइ भइरहेको भन्दै एकमुष्ट पठाउन किताबखानाले शिक्षा विकास तथा समन्वय इकाइलाई निर्देशन दिएको हो ।

जिल्ला जिल्लाबाट सम्बन्धित शिक्षक आइरहे पनि निवृत्तभरण, उपदान, अस्थायी गोल्डेन ह्यान्डसेक लगायत अन्य कार्य चापका कारण प्रमाणित गरेर पठाउन कठिनाइ भइरहेको किताबखानाले जनाएको छ ।

शिक्षा नियमावली अनुसार स्थायी नियुक्ति लिएको मितिले ९० दिनभित्र किताबखानामा शिक्षक वैयक्तिक तथा नोकरी विवरण पेस भई सक्नुपर्नेछ ।