७५३ स्थानीय तह र देशका सबै अस्पताललाई १० प्रतिशत बिरामीको निःशुल्क उपचार गर्न निर्देशन

काठमाडौं,२१ जेठ ।
स्वास्थ्य तथा जनसङ्ख्या मन्त्रालयले १० प्रतिशत बिरामीको निःशुल्क उपचार गर्न निर्देशन दिएको छ ।

मन्त्रालयले आज छुट्टाछुट्टै पत्राचार गरी ७५३ वटै स्थानीय तह र देशका सबै अस्पताललाई कूल शय्याको १० प्रतिशत छुट्याइ विपन्न, असहाय, बेवारिसे बिरामीको निःशुल्क उपचार गराउन निर्देशन दिएको छ।

यसअघि मन्त्रालयले दुई पटक ती अस्पताललाई निःशुल्क उपचार गर्न गराउन निर्देशन दिइसकेको छ। स्थानीय तहलाई निःशुल्क उपचारको व्यवस्थामा समन्वय गरिदिन हुन निर्देशन दिइएको छ।पत्रमा ऐन तथा मापदण्डमा भएको विपन्न, असहाय, बेवारिसे बिरामीको सिफारिस सम्बन्धित स्थानीय तहको वडा कार्यालयबाट गर्ने गराउने र सो सिफारिसका आधारमा गरिब पहिचान परिचयपत्र समेतलाई आधार मानी कूल शय्याको १० प्रतिशत बिरामीको निःशुल्क उपचार अनिवार्य गर्न गराउन अनुरोध गरिएको छ।