धादिङमा टि–२० क्रिकेट लिग सुरु,पहिलो दिन खनियाबास र धुनिबेशी बिजयी

धादिङ,०१ कात्तिक।
धादिङमा अन्तर पालिकास्तरीय टि–२० क्रिकेट प्रतियोगिता सुरु भएको छ ।

धादिङ जिल्ला क्रिकेट संघको आयोजनामा भएको प्रतियोगिताको मंगलबार बागमती प्रदेशका मुख्यमन्त्री राजेन्द्रप्रसाद पाण्डेले ब्याटिङ र बेनिघाट रोराङ गाउँँपालिकाका उपाध्यक्ष टाप बहादुर श्रेष्ठले बलिङ गर्दै खेलको उद्घाटन गरे ।

बेनिघाट रोराङ गाउँँपालिकाको विशालटारस्थित चन्द्रोदय माध्यमिक विद्यालयको खेल मैदानमा सुरु भएको प्रतियोगितामा जिल्लाभित्रका बिभिन्न आठ पालिकाका टिम सहभागी छन् ।

प्रतियोगिताको पहिलो दिन पहिलो खेलमा खनियाबास गाउँपालिका बिजयी भएको छ । टस जितेर खनियाबास गाउँपालिकाले गजुरी गाउँपालिकालाई ब्याटिङको निम्तो दिएको थियो ।

गजुरीले दिएको ११२ रनको टार्गेट खनियाबासले १६.३ ओभरमा ४ विकेट गुमाउदै निर्धारित लक्ष्य सानदार ढंगले पुरा गरेको थियो ।गजुरी गाउँपालिकाले निर्धारित २० ओभरमा ९ विकेट गुमाउदै १११ रन जोड्यो ।खेलको म्यान अफ द म्याच सरोज लम्साल भए ।

यस्तै दोस्रो खेलमा धुनीबेसी नगरपालिका विजयी भएको छ । धुनीबेसीले दिएको १२५ रनको टारगेटमा त्रिपुरासुन्दरी १२० रनमा समेटिदा धुनिबेसी ४ रनले विजयी भएको हो । photo:CAD