अन्तर्राष्ट्रिय मैत्रीपूर्ण महिला फुटबल:नेपालले आज बङ्लादेशसँग खेल्दै

नेपालले आज बङ्लादेशसँग खेल्दैछ।अन्तर्राष्ट्रिय मैत्रीपूर्ण महिला फुटबलको पहिलो खेलमा आज नेपालले घरेलु टोली बङ्लादेशसँग खेल्न लागेको हो।

खेल ढाकाको मोहम्मद मुस्तफा कमल रङ्गशालामा बेलुका पौने ६ बजे सुरु हुनेछ ।

गएको वर्ष भदौमा काठमाण्डौमा सम्पन्न साफ च्याम्पियनसिपको फाइनलपछि नेपाल र बङ्लादेशले एक अर्काबीच मैत्रीपूर्ण दुई खेल खेल्न लागेका हुन् ।

पहिलो पटक साफ च्याम्पियनसिपको उपाधि जित्दा बङ्लादेशले नेपाललाई ३–१ गोलले हराएको थियो । नेपालले अहिलेसम्म साफ च्याम्पियनसिपको उपाधि जित्न सकेको छैन । मैत्रीपूर्ण खेलका लागि तयार रहेको दुवै टोलीका प्रशिक्षक र कप्तानले बताएका छन् ।

नेपाल र बङ्लादेशबीच दोस्रो मैत्रीपूर्ण खेल आइतवार हुनेछ ।तस्बिर : एन्फा