एसिसी इमर्जिङ कपमा आज नेपालले पाकिस्तानसँग खेल्दै

एसिसी इमर्जिङ कपमा  नेपालले आज पाकिस्तानसँग प्रतिस्पर्धा गर्दैछ । आज हुने सो कोलोम्बो क्रिकेट मैदानमा बिहान १०ः१५ बजेवाट सुरु हुनेछ ।

प्रतियोगितामा आफ्नो प्रमुख टोली पठाउने नेपाल एकमात्रै टोली हो । तर नेपालका सन्दीप लामिछाने, दीपेन्द्रसिंह ऐरी र आरिफ शेखले खेल्ने छैनन् भने करण केसी र ज्ञानेन्द्र मल्ललाई नेपालले विश्राम दिएको छ ।

नेपाली टोलीमा रोहित पौडेल (कप्तान) कुशल भुर्तेल, आसिफ शेख, अर्जुन साउद, कुशल मल्ल, पवन सरार्फ , देव खनाल, गुलशन झा, सोमपाल कामी, भीम सार्की, श्याम ढकाल, प्रतिश जि।सी, ललित राजवंशी, किशोर महतो, सन्दीप जोरा र सूर्य तामाङ रहेका छन्।

नेपाल समूह ‘बी’ मा छ । नेपालले दोस्रो खेल भारतको ‘ए’ टोलीसँग साउन १ गते र तेस्राे खेल यूएईको ‘ए’ टोलीसँग साउन ३ गते खेल्नेछ ।  दुई समूहका शीर्ष दुई टोली सेमिफाइनलमा पुग्नेछन् ।

प्रतियोगिताको फाइनल खेल साउन ७ गते हुनेछ ।