बारुला खाँदा धादिङका प्रेमबहादुरसहित छ जना बिरामी

धादिङ,१८ श्रावण।
भुइँ बारुला (सिङ्गुस) खाँदा मनाङमा छ जना बिरामी परेका छन् ।

मङ्गलवार दिउँसो चामे गाउँपालिका–३ कोतोमा काम गर्ने छ जना मजदुर सिङ्गुस पोलेर खाँदा बिरामी परेका जिल्ला प्रहरी कार्यालय मनाङले जनाएको छ।

बिरामी पर्नेमा धादिङका प्रेमबहादुर घले, गोरखाका सेते तामाङ, पहलमान थापा, दलबहादुर आले, गुन्जमान थापा, वनबहादुर आले र उदयपुरकी लीला तामाङ रहेकी छिन् ।

बिरामी पर्नेहरु ३५ देखि ४८ उमेर समूहको रहेका छन् । उनीहरुको लमजुङ जिल्ला अस्पतालमा उपचार भइरहेको छ । सिङ्गुस खाएर मङ्गलवार रातिदेखि मुटु, छाती र जिउ पोल्न थालेपछि उनीहरूलाई थप उपचारका लागि लमजुङ अस्पताल पठाइएको जिल्ला प्रहरी कार्यालय मनाङले जनाएको छ ।