कक्षा १० सम्मका विद्यार्थीलाई दिवा खाजा

सामुदायिक विद्यालयका कक्षा १० सम्मका बालबालिकालाई काठमाण्डौ महानगरपालिकाले खाजाको व्यवस्था गर्ने भएको छ महानगरपालिकाले नगर क्षेत्रभित्रका सामुदायिक विद्यालयका कक्षा १० सम्मका बालबालिकालाई प्रति विद्यार्थी दैनिक ३० रुपैयाँ छुट्याइएको जनाएको छ ।

सङ्घीय सरकारले देशभरका सामुदायिक विद्यालयका कक्षा ६ सम्मका बालबालिकालाई दिवा खाजा खुवाउन प्रतिविद्यार्थी दैनिक १५ रुपैयाँ बजेट विनियोजन गरेको छ ।

सरकारले दिने गरेको रकममा शतप्रतिशत रकम थप गरी काठमाण्डौ महानगरले कक्षा १० सम्मकै विद्यार्थीका लागि रकम छुट्याएको हो।

यही महिनादेखिनै कक्षा १० सम्मका विद्यार्थीलाई दिवा खाजा व्यवस्थापन गर्न सामुदायिक विद्यालयलाई महानगरले अनुरोध गरेको छ।