धादिङ टिम प्रदेश स्तरिय भलिबलको फाईनलमा : फाईनल खेल दिउँसो १ बजे

धादिङ । रामेछापमा जारी बागमती प्रदेश स्तरिय खुल्ला पुरुष भलिबल प्रतियोगितामा धादिङ फाईनल गरेको छ।

प्रतियोगिता अन्तरगत आज विहान भएको पहिलो सेमिफाईनल खेलमा ललितपुरलाई २५–१४ र २५–२०को साेझाे सेटमा पराजित गर्दै धादिङ फाईनल प्रवेश गरेको हो ।

अब उपाधीको लागि धादिङले रामेछाप र नुवाकोटबिचको बिजेता सँग भिड्ने छ ।फाईनल खेल दिउसाे १ बजे हुनेछ ।

धादिङ टिममा मनोज श्रेष्ठको कप्तानीमा रविन नगरकोटी, शरण सामरी, अमन आले मगर, विदुर इटनी, बुद्धिमान तामाङ, योहाङ तामाङ, प्रदिप मगर र मोहन तामाङ रहेका छन् ।धादिङ टिम कोचमा बिरु लामा रहेका छन्।

नेपाल विद्यार्थी संघ रामेछापको आयोजनामा भएको प्रतियोगिताको उपाधि विजेता टिमले नगद २ लाख, द्वितिय हुने टिमले १ लाख ५० हजार, तृतिय हुने टिमले १ लाख र सान्तवना हुने टिमले ५० हजारसहित शिल्ड, मेडल र प्रमाणपत्र पाउने छ।