धादिङअस्पताललाई सयबेडमा स्तरोन्नती गर्ने बागमती प्रदेश मन्त्रिपरिषदको निर्णय

धादिङ। बागमती प्रदेश सरकारले धादिङबेसीमा धादिङ अस्पतालसहित प्रदेशका १० अस्पताल स्तरोन्नती गर्ने भएको छ ।

मंगलबार बसेको मन्त्रिपरिषद बैठकले हेटौंडा अस्पताल मकवानपुर र भक्तपुर अस्पताल भक्तपुरलाई ३०० बेडमा स्तरोन्नती गर्ने निर्णय गरेको मुख्यमन्त्री शालिकराम जम्मकट्टेलले बताउनुभयो।

यसैगरी बैठकले धादिङ अस्पताल धादिङबेसी, त्रिशूली अस्पताल नुवाकोट, सिन्धुली अस्पताल सिन्धुली र बकुलहर अस्पताल चितवन १०० बेडमा स्तरोन्नती गर्ने सिन्धुपाल्चोक अस्पताल, रामेछाप अस्पताल, दोलखाको पशुपति चौलागाईं अस्पताल र काभ्रेको मेथिनकोट अस्पताल ५०/५० बेडमा स्तरोन्नती गर्ने निर्णय भएको मुख्यमन्त्री जम्मकट्टेलले बताउनुभयो।

यस्तै बैठकले स्वास्थ्य मन्त्रालयको प्राविधिकसहित १ हजार ६६९ जना कर्मचारीहरुको संगठन संरचना स्वीकृत पनि गरेको छ।