सहकारी दिवसको अवसरमा धादिङबेशीमा २२६ जनाले गरे रक्तदान

धादिङ । ६७ औँ राष्ट्रिय सहकारी दिवसको अवसरमा धादिङबेशीमा २२६ जनाले रक्तदान गरेका छन् ।

रामकोट बचत तथा ऋण सहकारी संस्था लिमिटेडको आयोजनामा नीलकण्ठ नगरपालिका–८ स्थित साँघुटार साकोसको कार्यालय प्राङ्गणमा भएको रक्तदान कार्यक्रममा ७० जना महिला र १५६ जना पुरुष गरी २२६ जनाले रक्तदान गरेको धादिङ रेडक्रसका कोषाध्यक्ष नारायण कुमार श्रेष्ठले जानकारी दिनुभयो।

रक्तदान कार्यक्रममा रक्त संचार सेवा केन्द्र धादिङको प्राविधिक सहयोग रहेको थियो ।

धादिङमा विभिन्न मेला, पर्व, उत्सव, विद्यालयको बार्षिक उत्सव, सहकारीको बार्षिक साधारण सभा लगायतको भेला हुने कार्यक्रममा रक्तदान कार्यक्रम राखि रगत संकलन गरीदैँ आएको छ।