फुलखर्कका कृषकहरुलाई समुह व्यवस्थापन तथा नेतृत्व विकास तालिम

फुलखर्क । गंगाजमुना गाउँपालिका वडा नं ५ फुलखर्कका कृषकहरुलाई समुह व्यवस्थापन तथा नेतृत्व विकास तालिम प्रदान गरिएको छ ।

प्रयास नेपाल धादिङले आड्रा नेपालको साझेदारी तथा गंगाजमुना गाउँपालिकाको समन्वयमा संचालनमा गरेको उत्थानशील जिविकोपार्जन तथा खाद्य सुरक्षा सुढृढिकरण परियोजना अन्तरगत वडा नं ३,४ र ५ मा गठित कृषक समुहका पदाधिकारीहरुको लागि २ दिने समुह व्यवस्थापन तथा नेतृत्व विकास तालिम प्रदान गरिएको हो ।

बिहिबार र शुक्रबार सञ्चालन भएको तालिममा २४ जना सहभागी थिए ।

तालिममा आड्रा नेपालका कार्यक्रम अधिकृत दिलिप चन्द्र ढकालले आड्रा नेपालको संस्थागत जानकारी गराउनु भएको थियो भने प्रयास नेपाल धादिङको संस्थागत चिनारी र परियोजनाको लक्ष्य, उद्धेश्य संचालन प्रक्रिया र मुख्य क्रियाकलापहरुको बारेमा प्रयास नेपाल धादिङका शर्मिला गुरुङले जानकारी गराउनु भएको थियो ।

समुह तथा समुदाय तहमा कुनै पनि क्रियाकलाप तथा सहयोग उपलब्ध गराउँदा लैगिक समानता र समावेशीकरणको पक्षमा बिशेष ध्यान दिई कार्य गर्ने निति रहेको जेण्डर एसोसिएट शर्मिला गुरुङले बताउनुभयो ।

तालिममा नेता, नेतृत्व, नेतृत्वका गुणहरु, समुह, समुहको संस्थागत विकास, बैठक संचालन प्रक्रिया, समुहको पदाधिकारीहरुको काम, कर्तव्य, उत्तरदायित्व, माईनुट लेखन अभ्यास, समन्वय , सहकार्य के किन र कसरी ,समुहको निति नियमहरु लगायतका बिषयमा सहजकर्ता रेनुका रुपाखेति र प्रयास नेपाल, धादिङका जेण्डर एसोसिएट शर्मिला गुरुङले सहजिकरण गर्नु भएको फुलखर्कबाट कविता सापकोटाले जानकारी दिनुभयो ।

कृषकको क्षमता विकास, जलवायु कृषक पाठशाला, प्राविधिक ज्ञान, सिप हस्तान्तरण गरी कृषि तथा पशुपालनमा उत्पादन र उत्पादकत्व बृद्धिमा टेवा पुर्याउने, पारिवारिक सदस्य तथा समुदायमा लैगिक समाबेशीकरण अभिबृद्धिमा वडा तथा पालिकालाई सहयोग पु¥याउने उद्धेश्यले धादिङ जिल्लाका गंगाजमुना गाउँपालिकाको सबै वडाहरुमा ४८ वटा कृषक समुह मार्फत उत्थानशील जिविकोपार्जन तथा खाद्य सुरक्षा सुढृढिकरण परियोजना संचालन गरिएको प्रयास नेपाल धादिङका कार्यकारी निर्देशक दामोदर अर्यालले बताउनुभयो।