फिस्लिङ र कालीखोलामा पहिरो खसेपछि सडक अवरुद्ध

फिस्लिङ र कालीखोलामा पहिरो खसेपछि मुग्लिन–नारायणगढ र मुग्लिन–मलेखु सडकखण्ड अवरुद्ध भएको छ।

बिहान ३ बजेतिर खसेको पहिरोका कारण गाडी बिच बाटोमै रोकिएका छन् । पहिरो ठूलो भएकाले सडक खुलाउन समय लाग्ने प्रहरीले जनाएको छ ।

देशका विभिन्न सडक अवरोध भइरहेकाले बुझेरमात्रै लामो यात्रामा निस्किन प्रहरीले अनुरोध गरेको छ ।

अवरोध नभएका राजमार्गमा पनि यातायात चापका कारण जाम हुने गरेकाले सकेसम्म यस्तो अवस्थामा यात्रा नगर्न र यात्रा गरिहाले पनि जानकारी लिएर मात्रै निस्किन प्रहरीले भनेको छ ।

तस्बिर :सडक डिभिजन कार्यालय भरतपुर