पहिरोमा पुरिएर तीन जनाको मृत्यु

अविरल वर्षाका कारण पहिरो जाँदा रामेछापको गोकुलगंगा गाउँपालिका वडा नम्बर ६ फर्पुमामा तीन बालिकाको मृत्यु भएको छ।

हिजो पहिरोले बिमन तामाङको घर पुरिँदा १८ वर्षकी सीता तामाङ, १५ वर्षकी आसिका दोङ र १३ वर्षकी लक्ष्मी तामाङको घटनास्थलमै मृत्यु भएको हो ।

वडा नम्बर ६ का वडाध्यक्ष चन्द्र सुनुवारका अनुसार दिउँसो खेतमा काम गरेर फर्केपछि बेलुका नुहाएर घरमा आराम गरेर बसेको बेला अकस्मात आएको पहिरोले उनीहरूलाई पुरेको हो ।