बैरेनीस्थित मिन्दुका मावि परिसरमा वृक्षारोपण

धादिङ। सिद्धलेक गाउँपालिका–१ नलाङ बैरेनीस्थित मिन्दुका माध्यमिक विद्यालय परिसरमा वृक्षारोपण गरिएको छ।

शुक्रबार विद्यालयको बालक्लव तथा युवा रेडक्रस सर्कलले डिभिजन वन कार्यालय धादिङको सहयोगमा विद्यालय परिसरमा वृक्षारोपण गरेको विद्यालयका प्रधानाध्यापक जनार्दन नेपालले जानकारी दिनुभयो ।

उहाँका अनुसार चिउरी, चाप, तेजपत्ता, कटहर, धुपी, आँप लगाएत विभिन्न प्रजातिका दुई सय ५० बोटबिरुवाहरु रोपिएको छ।

पर्यावरणमा स्वच्छता बढाउने उद्देश्यसाथ विद्यालय परिसरमा विभिन्न प्रजातिका वृक्षारोपण गरिएको प्रधानाध्यापक नेपालले बताउनुभयो ।