बाढीपहिरोमा परी काठमाण्डौ उपत्यकामा २१ जनाको मृत्यु

काठमाण्डौ। काठमाण्डौ उपत्यकमा वर्षाजन्य विपद्मा परी २१ जनाको मृत्यु भएको छ ।

काठमाण्डौ उपत्यका प्रहरी कार्यालयका प्रहरी वरिष्ठ उपरीक्षक विनोद घिमिरेका अनुसार अहिलेसम्म काठमाण्डौमा नौ, ललितपुरमा नौ र भक्तपुरमा तीन जनाको मृत्यु भएको हो।

यस्तै उक्त विपद्का घटनामा परी पाँच जना बेपत्ता भएका छन भने नौ जना घाइते भएका छन् ।

बाढीपहिरो तथा डुबानमा परेका सात सय २८ जनालाई उद्धार गरिएको उहाँले बताउनुभयो ।

बाढीपहिरोबाट काठमाण्डौमा चार घर भत्किएका छन भने दुई सय २६ घर डुबानमा परेका छन् ।

ललितपुर र भक्तपुरका धेरै घरमा पानी पसेको छ ।प्रवक्ता घिमिरेका अनुसार विपद्का घटनाको उद्धार र राहत कार्यमा काठमाण्डौमा तीन हजार १००, ललितपुरमा नौ सय ५५ र भक्तपुरमा एक सय ३५ जना नेपाल प्रहरीको जनशक्ति खटिएका छन् ।