खुल्ला फुटसल फिभर वि.वाई.सी क्लवले जित्यो

एलिसन स्पोर्टस् प्रा.लिको आयोजनामा काठमाडौंमा भएको खुल्ला फुटसल फिभर वि.वाई.सी क्लवले जितेको छ ।

चाबहिलको चुच्चेपाटीस्थित भाटभटेनी हेल्थ क्लबमा रहेको फुटसलमा असोज १८ गते भएको फाईनलमा हिमालयन एफसीलाई पराजित गर्दै उपाधी जितेको हो ।

प्रतियोगितामा विजयी भएको वि.वाई.सीले नगद ५५ हजार ५ सय ५५ रुपैयाँ र उपविजेता हिमालयन एफसीले नगद २५ हजार ५ सय ५५ रुपैयाँ साथै मेडल, ट्रफी र प्रमाणपत्र हात पारेको एलिसन स्पोटर्सका अध्यक्ष सगुन थापा मगरले जानकारी दिनुभयो ।

प्रतियोगितामा वेस्ट किपर आशिष डंगोल र वेस्ट प्लेयर युगेश श्रेष्ठ घोषित भएको मगरले बताउनुभयो ।

बिजेता उपबिजेता टिमलाई कार्यक्रमका प्रमुख अतिथि नेकपा एमालेका पोलिब्युरो सदस्य एवम् प्रतिनिधि सभा सदस्य सूर्य बहादुर थापा क्षेत्रीले पुरस्कार वितरण गर्नुभएको थियो ।

कार्यक्रमको उदघाटन समारोहमा नेकपा एमालेका स्थायी कमिटी सदस्य एवम् विदेश प्रमुख नेकपा एमाले बागमती प्रदेश कमिटीको इन्चार्ज राजन भट्टराई प्रमुख अतिथि, नेपाल खेलकुद महासंघ का बागमती प्रदेश कमिटी अध्यक्ष सीताराम कार्की हुनुहुन्थ्यो ।

प्रतियोगितामा २० वटा फुटसल क्लवहरु सहभागी भएको स्पोटर्सका अध्यक्ष सगुन थापा मगरले बताउनुभयो ।