धादिङबाट पोखरातर्फ जाँदै गरेको ईभी हायस दुर्घटना: तिनको मृत्यु, ८ जना घाइते

धादिङ । पृथ्वी राजमार्ग अन्तर्गत पोखराको लामेआहालमा ईभी हायस दुर्घटना हुँदा तीन जनाको मृत्यु भएको छ भने ८ जना घाइते भएका छन् ।

धादिङबाट पोखरातर्फ जाँदै गरेको ग १ ज ८६३० नम्बरको ईभी हायस दुर्घटना भएको हो।

दुर्घटनामा मृत्यु हुनेहरुमा पोखरामा बस्दै आउनुभएको धादिङ फुलखर्ककी झाँङमाया गुरुङ, धादिङ नीलकण्ठ नगरपालिका-२ का अगम गुरुङ र धादिङ ज्वालामुखी गाउँपालिका-५ का तिल कुमारी आचार्य रहेको जिल्ला प्रहरी कार्यालय कास्कीले जानकारी दिएको छ ।

दुुर्घटनामा परि घाइते भएकाहरु मध्ये पाँच जनाको नजिकैको स्वास्थ्य संस्थामा उपचार भइरहेको र उपचारपछि तीन जना डिस्चार्ज गरिएको प्रहरीले जनाएको छ ।

हावाहुरीसहित पानी परिरहेका बेला तीव्र गतिका अनियन्त्रित भएर पल्टिएको हुन सक्ने अनुमान गरिएको प्रहरीले जनाएको छ ।

दुर्घटनाको विषयमा थप अनुसन्धान भइरहेको प्रहरीले जनाएको छ ।

तस्वीर:सामाजिक संजाल