पेट्रोलियम पदार्थको मुल्य बढ्यो, कतिमा हुँदै छ कारोबार ?

काठमाण्डौ । पेट्रोलियम पदार्थको मुल्य बढेको छ । नेपाल आयल नियमले गएराति देखि नै लागू हुने गरी पेट्रोलमा प्रतिलिटर दुई र डिजेल र मट्टीतेलमा तीन रुपैयाँका दरले मुल्य बढाएको हो ।

भारतीय आयल निगमबाट पेट्रोलमा प्रतिलिटर दुई रुपैयाँ ४५ पैसा र डिजेलमा छ रुपैयाँ ५३ पैसा बढेको मूल्यसूची आएको निगमले जनाएको छ ।

तर, उपभोक्ताको हितलाई मध्यनजर गरी पेट्रोलमा दुई र डिजेलमा तीन रुपैयाँ मात्रै वृद्धि गरिएको निगमले निकालेको विज्ञप्तिमा उल्लेख छ ।

भाउ बढेसँगै अब पहिलो वर्ग चारआली, विराटनगर, जनकपुर, अमलेखगञ्ज, भलवारी, नेपालगन्ज, धनगढी र वीरगन्जमा पेट्रोल प्रतिलिटर एक सय ५८ रुपैयाँ ५० पैसा तथा डिजेल/मट्टीतेल प्रतिलिटर एक सय ४४ रुपैयाँ ५० पैसा, दोस्रो वर्ग सुर्खेत र दाङमा पेट्रोल प्रतिलिटर एक सय ६० रुपैयाँ तथा डिजेलरमट्टीतेल प्रतिलिटर एक सय ४६ रुपैयाँ तथा तेस्रो वर्ग अन्तर्गत काठमाण्डौ, पोखरा र दिपायलमा पेट्रोल प्रतिलिटर एक सय ६१ रुपैयाँ तथा डिजेलरमट्टीतेल प्रतिलिटर एक सय ४७ रुपैयाँ पर्नेछ ।

खाना पकाउने ग्यासको भाउ यथावत् रहेको छ ।